ކައިވެނިކުރާނެކަމަށް ބުނެ އެކުގައި އުޅުނު އިރު ދިން އައިފޯނެއް އަނބުރާ ނުދީގެން އެ ފޯނު ހޯދަން ފިރިހެނަކު ކޯޓަށް ހިނގައްޖެ އެވެ.

އުތުރު ރަށެއްގެ ކޯޓަކަށް ފިރިހެން މީހާ ހުށަހެޅި މަދަނީ ދައުވާގައި އެދިފައި އޮތީ ކައިވެނިކުރާނެ ކަމަށް ބުނެ އެކުގައި އުޅުނު އިރު "މަކަރާއި ހީލަތުން އަތުލައިގެން ނުދީ ގެންގުޅެމުން އަންނަ" އައިފޯން 16 ޕްރޯ މެކްސް 256 ޖީބީ ފޯނު ހޯދައިދިނުމަށެވެ. އެ މައްސަލައިގައި ގާނޫނީ ވަކީލެއްގެ ހިދުމަތް ހޯދަން ހަރަދުވާ ކަމަށް އޭނާ ބުނާ 10،000.ރ އަކީ ވެސް ދައުވާ ލިބޭ އަންހެން މީހާ ދައްކަން ޖެހޭ އެއްޗެއް ކަމަށް ކަނޑައަޅައިދޭން ވެސް އެ ދައުވާގައި އެދިފައި ވެ އެވެ.

އެ ދައުވާއަށް އިންކާރުކުރުމުގެ ބަދަލުގައި އަންހެންމީހާގެ ފަރާތުން ހުށަހެޅި އިއުތިރާޒްގައި ބުނީ ފިރިހެންމީހާ ކުރި ދައުވާގައި "މަކަރާއި ހީލަތުން ފޯނެއް ހޯދުމަށް ފަހު އެ ފޯނު އަނބުރާ ނުދީ ފިލައިގެން އުޅުމުގެ ތުހުމަތު" އޮތުމުން އެއީ ޖިނާއީ ތުހުމަތެއް ކަމަށެވެ. އެހެންވީމާ އެ މައްސަލަ ކޯޓަށް ހުށަހެޅޭނީ ތަހުގީގީ އިދާރާއަކުން ތަހުގީގުކުރުމަށް ފަހު ނުކުންނަ ނަތީޖާއަކަށް ބިނާކޮށް، ޕްރޮސެކިއުޓާ ޖެނެރަލަށް ކަމަށް އޭނާ ބުންޏެވެ.

މައުޟޫޢުތަށް