މީގެ 37 އަހަރު ފަހުން 2062 ވަނަ އަހަރު އަންނައިރު، ވެރިރަށް މާލެ ފިޔަވާ އެހެން ރަށްރަށުގައި ދިވެހިންނަށް ވުރެ ގިނައިން ދިރިއުޅޭނީ ބިދޭސީން ކަމަށް ރާއްޖޭގެ އާބާދީގެ އަންދާޒާ ރިޕޯޓަކުން ދައްކައިފި އެވެ.

މޯލްޑިވްސް ބިއުރޯ އޮފް ސްޓެޓިސްޓިކްސް (އެމްބީއެސް) އިން އިއްޔެ އާންމުކުރި "މޯލްޑިވްސް ޕޮޕިއުލޭޝަން ޕްރޮޖެކްޝަން 2022-2062"ގެ ރިޕޯޓުގައިވާ ގޮތުގައި، 2062 ވަނަ އަހަރު އަންނައިރު ރަށްރަށުގައި ދިރިއުޅޭ ދިވެހިން މާލެ ސަރަހައްދަށް ހިޖުރަކުރާ މިންވަރު އިތުރުވުމުން ރަށްރަށުގައި ބިދޭސީންގެ އަދަދު އިތުރުވާނެ އެވެ.

އެ ރިޕޯޓުގައި ލަފާކޮށްފައިވާ ގޮތުގައި މިހާރު ވެސް އެންމެ ކުޑަ އާބާދީއެއް އޮތް ވ. އަތޮޅުގެ އާބާދީގެ ދެބައިކުޅަ އެއްބައި މީހުންނަކީ 2062 ވަނަ އަހަރު ބިދޭސީންނަށް ވާނެ އެވެ. އަދި މާލެ ފިޔަވާ އެންމެ ގިނަ މީހުން މިހާރު ދިރިއުޅޭ އައްޑޫގެ އާބާދީގެ ކޮންމެ ތިން މީހުންގެ ތެރެއިން އެކަކު ވާނީ ބިދޭސީއަކަށެވެ.

މައުޟޫޢުތަށް