ޗޮކްލެޓް ސިރަޕް ފުޅިތަކުގައި ރާއްޖެ އަށް ޑްރަގް އެތެރެކުރި މައްސަލާގައި މީހަކު ހައްޔަރުކޮށްފި
މިހާރު
27 ޑިސެމްބަރު 2025 | ހޮނިހިރު | 12:39
ޗޮކްލެޓް ސިރަޕް ފުޅިތަކެއްގައި ބަންދުކޮށްގެން ރާއްޖެ އަށް ކަނޑުމަގުން މަސްތުވާތަކެތި އެތެރެކުރަން އުޅުނު މައްސަލާގައި މީހަކު ހައްޔަރު ކޮށްފައިވާ ކަމަށް ފުލުހުން މިރޭ ބުނެފި އެވެ.
ނަމަވެސް ރޭ ކަސްޓަމްސް އިން އަތުލައިގަތް އެ ތަކެއްޗާ ގުޅިގެން ހައްޔަރުކުރި މީހާގެ އެއްވެސް މައުލޫމާތެއް މިރޭ ނުދީ ފުލުހުން މީޑިއާއާ ހިއްސާކުރި މެސެޖެއްގައި ބުނީ "މައްސަލައާ ގުޅުން ހުރި އިތުރު މައުލޫމާތު ފަހުން ހިއްސާ ކުރާނެ ވާހަކަ ދަންނަވަން" ކަމަށެވެ.
ޗޮކްލެޓް ސިރަޕް ފުޅިތަކެއްގައި ބަންދުކޮށްގެން ރާއްޖެ އަށް އެތެރެކުރަން އުޅުނު މަސްތުވާތަކެތީގެ ބާވަތެއް ކަމަށްވާ ހަޝިޝް އޮއިލް ކަސްޓަމްސް އިން އަތުލައިގަތީ ރޭގަ އެވެ.