އާއްމު ދަތުރުފަތުރުގައި މިހާރު ދިމާވާ ދަތިތައް ހައްލުކުރަން ސަރުކާރުގެ ޓެކްސީ ލައިންގެ ހިދުމަތް ފެށުމަށް 407 ޑްރައިވަރުން ހޯދަން އިއުލާން ކުރުމުން، އެކަމަށް ކުރިމަތިލީ 366 މީހުން ކަމަށް އެމްޓީސީސީން ބުނެފި އެވެ.

އެމްޓީސީސީން 407 ޑްރައިވަރުން ހޯދަން އިއުލާނުކުރީ މިދިޔަ މަހުގަ އެވެ. އޭގެ ތެރެއިން 278 ޑްރައިވަރުން ހޯދީ ފުލްޓައިމްކޮށް މަސައްކަތްކުރާ ގޮތަށެވެ. އަދި 122 ޑްރައިވަރުން ހޯދީ ޕާޓް ޓައިމްކޮށް މަސައްކަތްކުރާ ގޮތަށެވެ. އެކަމަށް އެދި ކުރިމަތިލުމަށް ހުޅުވާލީ މިމަހުގެ 17 ވަނަ ދުވަހުގެ ނިޔަލަށެވެ.

އެމްޓީސީސީން ބުނި ގޮތުގައި އެ މުއްދަތު ހަމަވިއިރު ޖުމްލަ 366 އެޕްލިކޭޝަން ހުށަހަޅާފައިވެ އެވެ. އެއީ ފުލް ޓައިމްކޮށް މަސައްކަތް ކުރުމަށް އެދި ހުށަހަޅާފައިވާ 188 އެޕްލިކޭޝަނަކާއި ޕާޓް ޓައިމްކޮށް މަސައްކަތް ކުރުމަށް ހުށަހެޅި 178 އެޕްލިކޭޝަނެކެވެ.

މައުޟޫޢުތަށް