ޗުއްޓީ ދުވަސްވަރާ ދިމާކޮށް ޑިމާންޑު ބޮޑުވެ، މޯލްޑިވިއަންގެ ދަތުރުތައް އިތުރުކޮށްފި
މިހާރު
29 ޑިސެމްބަރު 2025 | ހޯމަ | 1:41
ސްކޫލް ޗުއްޓީއާ ދިމާކޮށް، އުމްރާއަށް ދާ މީހުންގެ އަދަދު އިތުރުވާތީ ގައުމީ އެއާލައިން މޯލްޑިވިއަންގެ އ330ޭ ގައި އުމްރާވެރިން އުފުލުމުގެ ގޮތުން ޖިއްދާއަށް ވިއްސަށް ވުރެ ގިނަ ދަތުރު އަދި އެހެން ސެކްޓާތަކަށް ވެސް އިތުރު ފްލައިޓުތައް ޝެޑިއުލް ކޮށްފައިވާ ކަމަށް މޯލްޑިވިއަން އެއާލައިނުން މިއަދު ބުނެފި އެވެ.
ކޮންމެ އަހަރެއްގެ ސްކޫލު ޗުއްޓީ ދުވަސްވަރާ ދިމާކޮށް ދަތުރުކުރާ ފަރާތްތައް އިތުރުވެ އެވެ. އެއާއެކު މޯލްޑިވިއަންއިން އެ ދުވަސްވަރު އިތުރު ޝެޑިއުލް ދަތުރުތައް ކުރަން ޖެހެ އެވެ.
މޯލްޑިވިއަން ހިންގާ އައިލެންޑް އޭވިއޭޝަނުން ބުނީ އުމްރާ ދަތުރުތަކުގެ އިތުރުން ކޮޗިން އާއި ޓްރިވެންޑްރަމަށް ޝެޑިއުލް ކޮށްފައިވާ ފްލައިޓަށް ޑިމާންޑް ބޮޑުވުމުގެ ސަބަބުން އެ ދެ މަންޒިލަށް ދަތުރުކުރާ ޖުމްލަ ފްލައިޓުތަކުގެ އަދަދު 10 އަކަށް އިތުރުކޮށްފައިވާ ކަމަށެވެ.