ފައްތާހުގެ ކުއްލި ވަކިވުމުން ސިހުމެއް
މިހާރު
31 ޑިސެމްބަރު 2025 | ބުދަ | 8:55
ދިވެހި ސިނަމާގެ އެންމެ ކާމިޔާބު އެއް ޑައިރެކްޓަރު އަބްދުލް ފައްތާހުގެ ކުއްލި ވަކިވުމާ އެކު، ލިބުނު ސިހުމުގައި އޭނާގެ ގާތް އެކުވެރިންނާއި އެކުގައި މަސައްކަތްކުރި އެތައް ބަޔަކު ވަނީ ކުރީގެ އެތައް ހަނދާނެއް އާކޮށްފަ އެވެ.
އުމުރުން 54 އަހަރުގައި ފައްތާހު ނިޔާވީ ސްޓްރޯކެއް ޖެހިގެން ފަރުވާދެމުން އަންނަނިކޮށް ރޭގެ ވަގުތެއްގަ އެވެ. އުފަން ރަށް ހއ. ކެލާގައި ދިރިއުޅޭ ފައްތާހު އަށް ސްޓްރޯކެއް ޖެހިގެން އިމަޖެންސީގައި ފަރުވާ އަށް ހއ. ދިއްދު އަށް ގެންދިޔައީ ރޭ އިރާކޮޅެވެ. އޭނާ ނިޔާވީ ދިއްދޫގައި ހުންނަ އަތޮޅު ހޮސްޕިޓަލުގައި ފަރުވާދެމުން އަންނަނިކޮށެވެ.
މީގެ އަހަރުތަކެއް ކުރިން ކެލައަށް ބަދަލުވެ، އޭނާ އައީ ރެސްޓޯރަންޓުގެ ވިޔަފާރި ކުރަމުންނެވެ.