ޣައްޒާގައި އެހީދޭ 37 ޖަމާއަތެއްގެ މަސައްކަތް ހުއްޓުވަނީ
މިހާރު
31 ޑިސެމްބަރު 2025 | ބުދަ | 12:26
ފަލަސްތީނުގެ ޣައްޒާ އިން ފަލަސްތީނު މީހުންގެ ނަސްލު ނައްތާލަން އިޒްރޭލުން ހިންގާ ޖެނޮސައިޑްގައި ޣައްޒާގެ ހިސޯރު އިތުރަށް ވަރުގަދަކޮށް، ފަލަސްތީނު މީހުންނަށް އެހީދޭ ގިނަ ޖަމާއަތްތަކެއްގެ މަސައްކަތް ހުއްޓުވަން ނިންމައިފި އެވެ.
އިންސާނީ އެހީދޭ 30 އަށް ވުރެ ގިނަ ޖަމާއަތްތައް ޣައްޒާގައި އޮޕަރޭޓް ކުރުން މަނާކުރާނެ ކަން އިޒްރޭލުން އިއުލާނު ކުރި އިރު ޣައްޒާގައި ސިއްހީ ފަރުވާ ދިނުމުގެ މަސައްކަތް އެންމެ ފުޅާދާއިރާއެއްގައި ކުރާ ފްރާންސްގެ ޑޮކްޓާސް ވިތައުޓް ބޯޑާސް (އެމްއެސްއެފް) ވެސް ވަނީ އެ ލިސްޓުގައި ހިމަނައިފަ އެވެ.
ޣައްޒާގައި އެހީ ދިނުން މާދަމާއިން ފެށިގެން މަނާކުރާ ލިސްޓުގައި އިޒްރޭލުން ހިމެނި ބޮޑެތި ޖަމާއަތްތަކުގެ ތެރޭގައި ނޯވޭގެ ނޯވީޖިއަން ރެފިއުޖީ ކައުންސިލާއި ކެއާ އިންޓަނޭޝަނަލް އާއި ދަ އިންޓަނޭޝަނަލް ރެސްކިއު ކޮމިޓީ އާއި އޮކްސްފާމާއި ޗެރިޓާސް ހިމެނެ އެވެ.