2025: ނޭވާ ހޮޅީގައި އޮތް ފުޓްބޯޅަ އާއްމު ހާލަތަކަށް
މިހާރު
1 ޖެނުއަރީ 2026 | ބުރާސްފަތި | 8:59
ނިމުނު 2025 އަކީ ދިވެހި ކުޅިވަރުގައި މަސްހުނި އިހުސާސްތަކެއް ކުރެވުނު އަހަރެކެވެ. ބައިނަލްއަގްވާމީ މައިދާނުގައި ރާއްޖެ އަށް ކާމިޔާބީތަކެއް ލިބުނެވެ. ގައުމީ ފެންވަރުގައި ވެސް އާދަޔާހިލާފު ކާމިޔާބީތަކެއް ބައެއް އެތުލީޓުން ހޯދި އެވެ.
އަނެއްކޮޅުން ބައެއް އެސޯސިއޭޝަންތަކުގެ ހިންގުން ދޯހަޅިވެ ސަސްޕެންޝަނާ ވެސް ކުރިމަތިލާން ޖެހުނެވެ. އެފަދަ މައްސަލަތައް ހައްލުވެ އެސޯސިއޭޝަންތައް އަނެއްކާ ވެސް ހަމަމަގަށް އެޅުނު މަންޒަރު ވެސް ފެނުނެވެ. އެ ހުރިހާ ކަމަކާ އެކު، 2025 އަކީ ހިތްދަތި އަހަރެއް ވެސް މެ އެވެ. ކުޅިވަރުގެ މުހިއްމު ތިން ހިދުމަތްތެރިއަކު އަހަރެމެންނާ ވަކިވެދިއުމުންނެވެ.
މިދިޔަ އަހަރު ފެށުނުއިރު ވެސް ރާއްޖޭގެ އެންމެ ބޮޑު ކުޅިވަރު ފުޓްބޯޅަ އޮތީ ވަރަށް ނިކަމެތި ހާލަތެއްގަ އެވެ. އެފްއޭއެމްގައި ކޮރަޕްޝަނުގެ މައްސަލަތައް ފުނިޖެހި، ހިންގުން ބޮއްސުންލައި، މުބާރާތްތައް މެދުކެނޑިފައި އޮތުމުން އާއްމުންގެ އިތުބާރު އޮތީ ގެއްލިފަ އެވެ.