ރާއްޖޭގައި ފުރަތަމަ ފަހަރަށް ޒަކާތުގެ ގާނޫނަށް އަމަލުކުރަން ފަށައިފި
މިހާރު
1 ޖެނުއަރީ 2026 | ބުރާސްފަތި | 4:11
ރާއްޖޭގައި ފުރަތަމަ ފަހަރަށް ޒަކާތުގެ ގާނޫނަށް އަމަލުކުރަން މިއަދު ފަށައިފި އެވެ.
މިދިޔަ ޑިސެމްބަރު ތިންވަނަ ދުވަހު ރައްޔިތުންގެ މަޖިލިހުން ފާސްކުރި ޒަކާތުގެ ގާނޫނު ރައީސް ޑރ. މުހައްމަދު މުއިއްޒު ތަސްދީގު ކުރެއްވީ އެ މަހުގެ ހަ ވަނަ ދުވަހު އެވެ. ޒަކާތުގެ ގާނޫނުގައި ބުނެފައިވާ ގޮތުން އެ އަށް އަމަލުކުރާނީ ޖެނުއަރީ 1، 2026 އިން ފެށިގެންނެވެ.
އެ ގާނޫނަށް އަމަލުކުރަން ފެށުމާ އެކު، ރައީސް މިއަދު ވަނީ އިސްލާމިކް މިނިސްޓްރީގެ ދަށުން ހިންގާ ތަނެއްގެ ގޮތުގައި މޯލްޑިވްސް ޒަކާތު ހައުސް ކަނޑައަޅުއްވައި އެ އިދާރާ އަލުން އުފައްދަވައިފަ އެވެ.