ފިކުރީ މުދާ ހިމާޔަތްކުރާ އޮފީސް އުފައްދައިފި
މިހާރު
1 ޖެނުއަރީ 2026 | ބުރާސްފަތި | 9:25
ފިކުރީ މުދާ ހިމާޔަތްކުރުމުގެ މަސައްކަތްކުރާނެ އޮފީހެއް ރައީސް ޑރ. މުހައްމަދު މުއިއްޒު މިއަދު އުފައްދަވައިފި އެވެ.
އިކޮނޮމިކް މިނިސްޓްރީގެ ދަށުން ހިންގާ އެ އޮފީސް އެ މަނިކުފާނު އުފެއްދެވީ މިދިޔަ އަހަރުގެ އޮގަސްޓް މަހު ރައްޔިތުންގެ މަޖިލިހުން ފާސްކޮށް އެ މަހުގެ 21 ވަނަ ދުވަހު އަމަލުކުރަން ފަށާފައިވާ މޯލްޑިވްސް އިންޓެލެކްޗުއަލް ޕްރޮޕަޓީ އޮފީހުގެ ގާނޫނަށް މިއަދު އަމަލުކުރަން ފެށުމާ ގުޅިގެންނެވެ.
މޯލްޑިވްސް އިންޓެލެކްޗުއަލް ޕްރޮޕަޓީ ގާނޫނުގެ މައިގަނޑު ބޭނުމަކީ، ރާއްޖޭގައި ފިކުރީ މުދާ ހިމާޔަތްކޮށް، ކުރިއެރުވޭނެ ހަރުދަނާ ނިޒާމެއް ގާއިމުކޮށް، ވިޔަފާރީގެ ދާއިރާގައި ފަންނުވެރިކަމާއި އައު އީޖާދުތަކަށް ހިތްވަރުދީ، އެ ދާއިރާ ކުރިއަރުވައި، ގައުމުގެ އިގުތިސާދީ ތަރައްގީ އަށް މަގުފަހިކުރުން ކަމަށް ރައީސް އޮފީހުން ބުންޏެވެ.