ގަދަ ކަނޑަށް ދޫކުރި ހިބަރުވަދުގައި ޖެހުނީ 131 ކިލޯގެ ބޮޑު މަސް ހިބަރެއް!
ސަން
30 މޭ 2025 | ހުކުރު | 10:05
ގަދަ ކަނޑުގައި، ހއ. ފިއްލަދޫ ކައިރިއަށް ހިބަރު ބާނަން އެކަނި ނުކުތް ޒުވާނަކު 131 ކިލޯގެ ބޮޑު މަސް ހިބަރެއް ބާނައިފިއެވެ.
މިހާ ބޮޑު ހިބަރެއް ބޭނިފައިވަނީ ހއ. ބާރަށަށް އުފަން ފާއިޒް އަބްދުﷲ ހިބަރު ބާނަން، ޑިންގީއެއްގައި ފިއްލަދޫ ކައިރި އުޅެނިކޮށެވެ.
"ސަން"އާ ވާހަކަދައްކަމުން ފާއިޒް ބުނީ މަސްވެރިކަމަކީ އޭނާގެ ދިރިއުޅުމުގައި އާމްދަނީ ހޯދުމަށް ކުރާ މަސައްކަތް ކަމަށެވެ. އަދި ގަދަވެ ސަލާމަތުން ހުރި ދުވަހެއްނަމަ، އެ ދުވަހަކު އޭނާ މަހަށް ދާ ކަމަށެވެ.