ހައްޖުގެ އަޅުކަން އަދާކުރުމަށާއި އުމްރާވުމަށް މައްކާއަށްދާ މީހުންނަށް ފަހިކޮށްދޭ ފުރިހަމަ އިންތިޒާމަށް ރައީސް ޑރ. މުހައްމަދު މުއިއްޒު ސައުދީގެ ރަސްގެފާނު ސަލްމާން ބިން އަބްދުލް އަޒީޒް އަލްސައުދަށް ޝުކުރު އަދާ ކުރައްވައިފިއެވެ.

އެކްސްގައި މިރޭ ކުރެއްވި ޕޯސްޓެއްގައިވަނީ ސައުދީ ރަސްގެފާނާއި ވަލީ އަހުދު މުހައްމަދު ބިން ސަލްމާން ބިން އަބްދުލް އަޒީޒް އަލް ސައުދާއި، ސައުދީގެ ރައްޔިތުންނަށް، އިސްލާމްދީނަށާއި މުސްލިމުންނަށް މަންފާ ކުރާނެ ހުރިހާ ކަމެއްގައި ކާމިޔާބު ދެއްވުމަށް އެދިވަޑައިގެންފައެވެ.

މީގެ އިތުރުން ދެ ހަރަމްފުޅުގެ ބިން ރައްކާތެރި ކުރައްވައި، އެ ތަނުގެ ސަލާމަތްތެރިކަމާއި ފާގަތިކަން ޔަގީން ކުރައްވައި، އެ ތަން ފަޚުރުވެރިކަމާއި އިއްޒަތާއެކު ބޭއްވެވުމަށް އެދި ރައީސް ވަނީ ދުއާ ދަންނަވައިފައެވެ.

މައުޟޫޢުތަށް