ފަޔާ ލޮރީގައި މައްސަލައެއް ޖެހުމުން ފުނަދޫ އެއާޕޯޓަށް ދަތުރުތައް މެދުކަނޑާލައިފި
ސަން
7 ޖޫން 2025 | ހޮނިހިރު | 11:55
ށ. ފުނަދޫ އެއާޕޯޓުގެ ފަޔާ ލޮރީގައި މައްސަލައެއް ޖެހުމާ ގުޅިގެން އެ އެއާޕޯޓަށް ކުރަން އޮތް ދަތުރުތައް މިއަދު މެދުކަނޑާލައިފިއެވެ.
ގައުމީ އެއާލައިން، މޯލްޑިވިއަންއިން ނެރުނު އިއުލާނެއްގައި ވަނީ އެއާޕޯޓުގެ ޓެކްނިކަލް މައްސަލައަކާ ގުޅިގެން، ފުނަދުއަށް މިއަދު ޝެޑިއުލްކޮށްފައި އޮތް ދަތުރުތައް ކުރެވެން ނެތް ކަމަށެވެ.
ފުނަދުއަށް ދާން މިއަދަށް ޓިކެޓް ނަގައިފައިވާ މީހުންނަށް އެހެން ގޮތެއް ހޯދައި ދިނުމުގެ މަސައްކަތް ކުރަމުން އަންނަ ކަމަށާއި އެ މީހުންނާ ސީދާ ވާހަކަދައްކައިގެން ހައްލެއް ގެނެސްދޭނެ ކަމަށް އެ އެއާލައިނުން ބުންޏެވެ.