ރާއްޖެއަށް ދަރަނި ނުދެއްކުމުގެ ބިރު ބޮޑު، ފިޗުން ވެސް 'ޖަންކް' ރޭޓިން ދަމަހައްޓައިފި
ސަން
12 ޖޫން 2025 | ބުރާސްފަތި | 12:29
ދިވެހިރާއްޖެއަށް ދަރަނި ނުދެއްކުމުގެ ބިރު ބޮޑުކަން ފާހަގަކޮށް، އެންމެ ބޮޑު ބައިނަލްއަގުވާމީ ކްރެޑިޓް ރޭޓިން އެޖެންސީ ފިޗުން ވެސް ރާއްޖެއަށް ދީފައި އޮތް 'ސީސީ' ނުވަތަ 'ޖަންކް' ރޭޓިން މިއަދު ދަމަހައްޓައިފިއެވެ.
'ސީސީ' ރޭޓިންއަކީ ދަރަނި ނުދެއްކި ބަނގުރޫޓުވެދާނެކަމުގެ ބިރު ބޮޑުވުމުންދޭ ރޭޓިންއެކެވެ. އެއަށް ވުރެ ދަށަށް ދެން އިންނަ ރޭޓިންއަކީ 'ސީ' ރޭޓިންއެވެ. އެއީ، ބަނގުރޫޓުވާނެކަން ޔަގީންވުމުން ދޭ ރޭޓިންއެކެވެ. ރާއްޖެއަށް ދީފައި އޮތް 'ސީސީ' ރޭޓިންއަކީ ދަރަނި ނުދެއްކުމުގެ ބިރު އޮތުމުން ދޭ ރޭޓިންއެކެވެ.
ފިޗުން މިއަދު ވަނީ ރާއްޖެއަށް މިދިޔަ އޮގަސްޓް 27ގައި ދިން 'ސީސީ' ރޭޓިން ރިވިއުކުރުމަށް ފަހު، އެ ރޭޓިން ދަމަހައްޓަން ނިންމައިފައެވެ.