ފަތުރުވެރިކަން ހަރުދަނާކުރަން އިންސާނީ ވަސީލަތްތަކަށް އިންވެސްޓްކުރަން ޖެހޭ: ޒަމީރު
ސަން
14 ޖޫން 2025 | ހޮނިހިރު | 10:42
ފަތުރުވެރިކަމުގެ ދާއިރާގައި މަސައްކަތްކުރާ މުވައްޒަފުންގެ އަގު ވަޒަންކޮށް، އެ ދާއިރާ ހަރުދަނާކުރުމަށްޓަކައި އިންސާނީ ވަސީލަތްތައް ތަރައްގީ ކުރަންޖެހޭ ކަމަށް ފިނޭންސް މިނިސްޓަރު މޫސާ ޒަމީރު މިރޭ ވިދާޅުވެއްޖެއެވެ.
މިނިސްޓަރު މިހެން ވިދާޅުވީ، ބާސެލޯ ނަސަންދުރައިގައި މިރޭ ބޭއްވި ރާއްޖޭގެ އެންމެ ގިނަ ދުވަސްވީ އަދި އެންމެ މަގުބޫލު ހޮސްޕިޓާލިޓީ މަޖައްލާ ކަމަށްވާ ހޮޓެލިއާ މޯލްޑިވްސް އެވޯޑްސް 2025ގައި ވާހަކަ ދައްކަވަމުންނެވެ.
މިނިސްޓަރުގެ ވާހަކައިގައިވަނީ، ރާއްޖޭގެ އިގުތިސާދުގެ ބިންގަލުގެ ގޮތުގައި ޓޫރިޒަމް ސިނާއަތް ދެމި އޮތީ، އެ ދާއިރާގައި މަސައްކަތްކުރާ ޕްރޮފެޝަލުންގެ ބުރަ މަސައްކަތުންކަން ފާހަގަ ކުރައްވައިފައެވެ.