ޖަލު އޮފިސަރުންނަކީ ހީވާގި ބައެއް، މަދުން ނޫނީ މައްސަލައެއް ފާހަގަނުވޭ: އިހުސާން
ސަން
15 ޖޫން 2025 | އާދިއްތަ | 10:49
ޖަލު އޮފިސަރުންނަކީ ހީވަގިކަމާ އެކު މަސައްކަތްކުރާ ޒިންމާ ބޮޑު ބައެއް ކަމަށާއި މަދުން ނޫނީ އޮފިސަރުންގެ މައްސަލައެއް ފާހަގަނުވާ ކަމަށް ހޯމް މިނިސްޓަރު އަލީ އިހުސާން ރޭ ވިދާޅުވެއްޖެއެވެ.
ކަރެކްޝަނަލް އޮފިސާ ޓްރެއިނިން ޕްރޮގްރާމް ދަސްވެނިވުމުގެ ރަސްމިއްޔާތު ޝަރަފުވެރިކޮށްދެއްވައި، ދެއްކެވި ވާހަކަފުޅުގައި މިނިސްޓަރު ވަނީ އަލަށް ހުވައިކުރި އޮފިސަރުންނާ މުޚާތަބުކޮށް ވާހަކަދައްކަވައިފައެވެ.
އެ މުއައްސަސާގެ ހިންގުން ހަރުދަނާވެފައިވަނީ ގިނަ އޮފިސަރުންގެ ބުރަ މަސައްކަތާއެކުކަން ފާހަގަކުރައްވައި، މިނިސްޓަރު ވަނީ އެކަށީގެންވާ ވަރަށް އޮފިސަރުން ރެކްރޫޓް ނުކުރެވުނަސް މަސައްކަތުގެ މާހައުލުގައި ޒިންމާ އަދާކުރަން އޮފިސަރުން ގިނަ ވަގުތުތަކެއް ހޭދަކުރާކަން ފާހަގަކުރައްވައިފައެވެ.