އާމްދަނީގެ ފަސް އިންސައްތަ ކައުންސިލްތަކަށް ދޭންޖެހޭތީ ނާޒިމްގެ ކަންބޮޑުވުން
ސަން
17 ޖޫން 2025 | އަންގާރަ | 10:24
ދައުލަތުގެ އާމްދަނީގެ ފަސް އިންސައްތަ ކައުންސިލްތަކަށް ބޮލްކް ގްރާންޓްގެ ގޮތުގައި ދޭންޖެހޭ ގޮތަށް އޮތް އޮތުމަކީ މައްސަލައެއް ކަމަށާއި ގާނޫނަށް އިސްލާހު ގެނެސްގެން އެކަން ބަދަލުކުރަންޖެހޭ ކަމަށް ރައްޔިތުންގެ މަޖިލީހުގެ ނައިބު ރައީސް އަދި ދިއްގަރު ދާއިރާގެ ޕީއެންސީ މެންބަރު އަހުމަދު ނާޒިމް މިއަދު ވިދާޅުވެއްޖެއެވެ.
ލާމަރުކަޒީ ނިޒާމާ ގުޅޭ ގޮތުން މެންބަރުންގެ ހުރި ކަންބޮޑުވުންތަކަށް ބަހުސްކުރުމަށް ހުށަހަޅާފައި އޮތް ގަރާރުގެ އިބުތިދާއީ ބަހުސްގައި ވާހަކަދައްކަވަމުން ނާޒިމް ވިދާޅުވީ، ބްލޮކް ގްރާންޓްގެ ގޮތުގައި ކައުންސިލްތަކަށް ދެނީ ދައުލަތުގެ އާމްދަނީގެ ފަސް އިންސައްތަ ކަމަށެވެ.
އެ ގޮތުން މިދިޔަ އަހަރު އެކަނި ވެސް 2.4 ބިލިއަން ރުފިޔާ އެގޮތަށް ބްލޮކް ގްރާންޓްގެ ގޮތުގައި ދިނުމަށް ކަނޑައެޅި ކަމަށް ނާޒިމް ވިދާޅުވިއެވެ.