ޔުމްނު މައްސަަލަ: އިންކުއަރީ ރިޕޯޓު ހާމަކުރަން ރައީސް އަންގަވައިފި
ސަން
17 ޖޫން 2025 | އަންގާރަ | 12:42
މިދިޔަ މަހުގެ 18 ވަނަ ދުވަހު ހ. ފެންޓެނޯއީ ގެއިން, އެ ގެއާ ޖެހިގެންހުރި ގުދަނެއްގެ ފުރާޅު މައްޗަށް ވެއްޓިފައި އޮއްވައި ފެނުނު ހައްވާ ޔުމްނު ރަޝީދު ވެއްޓުނު ހާދިސާގެ ތަހުގީގުކުރަން އުފެއްދި ރިޔާސީ ކޮމިޝަނުން އިންކުއަރީ ނިންމައި، ރައީސް ޑރ. މުހައްމަދު މުއިއްޒަށް ހުށަހެޅި ރިޕޯޓު އެންމެނަށް ފެންނާނެހެން ހާމަކުރަން ރައީސް މިއަދު އަންގަވައިފިއެވެ.
ޔުމްނު ވެއްޓުނު ހާދިސާގެ ތަހުގީގަށް ރައީސް ޑރ. މުއިއްޒު، އުފެއްދެވި ރިޔާސީ ކޮމިޝަނުން، މިއަދު ވަނީ ރައީސަށް ރިޕޯޓު އަރުވައިފައެވެ.
އެއާއެކު އެކްސްގައި ކުރެއްވި ޕޯސްޓެއްގައި ރައީސްވަނީ، އެ މަނިކުފާނަށް ރިޕޯޓު މިހާރު ލިބިފައިވާ ކަމަށް ހާމަކުރައްވައިފައެވެ. އަދި އެ ރިޕޯޓު އާންމުކޮށް އެންމެނަށް ފެންނާނެހެން، އާންމުކުރުމަށް އަންގަވައިފައިވާކަމަށް ރައީސް ވިދާޅުވިއެވެ.