މަހާޒުގެ ފާޑުކިޔުން އޭސީސީއަށް: ތިން މަސްވީއިރު ސުވާލުނުކުރޭ، އެއީ ތަހުގީގެއް ނޫން
ސަން
17 ޖޫން 2025 | އަންގާރަ | 4:21
އެންޓި ކޮރަޕްޝަން ކޮމިޝަން (އޭސީސީ)ން ސުޕްރީމް ކޯޓުގެ ކުރީގެ ތިން ފަނޑިޔާރުންގެ މައްޗަށް ބަލަމުން އަންނަ ޖިނާއީ މައްސަލައިގެ ތަހުގީގު އަދިވެސް ކުރިއަށްގެންދާތީ، އެ ތިން ބޭފުޅުންގެ ތެރޭގައި ހިމެނިވަޑައިގަންނަވާ މަހާޒް އަލީ ޒާހިރު މިއަދު ފާޑުވިދާޅުވެއްޖެއެވެ.
އޭސީސީން ޖިނާއީ ތަހުގީގު ހިންގަމުންދަނީ މިދިޔަ މަހުގެ 14 ވަނަ ދުވަހު ސުޕްރީމް ކޯޓުން ވަކިކުރި މަހާޒާއި ޑރ. އަޒްމިރަލްދާ ޒާހިރާއި މާރިޗް ހަތަރު ވަނަ އިސްތިއުފާ ދެއްވި ހުސްނުއްސުއޫދުގެ މައްޗަށެވެ.
އޭސީސީން އެ މައްސަލަ ބަލަމުންދާކަން މިދިޔަ ފެބްރުވަރީ މަހުގެ 26ގައި ޖުޑިޝަލް ސާވިސް ކޮމިޝަން (ޖޭއެސްސީ)އަށް އެންގުމުން، އެ ކޮމިޝަނުން އެ ތިން ބޭފުޅުން ސަސްޕެންޑުކުރިއެވެ.