ޞާލިޙުގެ މަރުހަބާ ޑިމޮކްރެޓްސްއަށް، އެދިވަޑައިގަތީ ޒާތީ މައްސަލަ ބާއްވައި އެކުގައި މަސައްކަތްކުރަން
ސަން
19 ޖޫން 2025 | ބުރާސްފަތި | 10:11
ޚިޔާލުތަފާތުވުންތަކުގައި އެމްޑީޕީ ދޫކުރައްވައި ވަޑައިގެންނެވި އެ ޕާޓީގެ ކުރީގެ ރައީސް މުހައްމަދު ނަޝީދާއި ޑިމޮކްރެޓްސްގެ މެންބަރުން އަލުން އަނބުރާ އެ ޕާޓީއާ ގުޅިވަޑައިގަންނަވާތީ މަރުހަބާ ދަންނަވާ ކަމަށާއި ޒާތީ މައްސަލަތައް އެއްފަރާތްކޮށް އެކުގައި މަސައްކަތްކުރައްވަން ކުރީގެ ރައީސް އިބްރާހީމް މުހައްމަދު ޞާލިޙު މިއަދު އެދިވަޑައިގެންފިއެވެ.
ނަޝީދާއި އެ މަނިކުފާނަށް ވަފާތެރި ބޭބޭފުޅުން އެމްޑީޕީން ވަކިވެވަޑައިގެން ޑިމޮކްރެޓްސް އުފެއްދެވީ އޭރު ފުރަތަމަ ރައީސް ޞާލިޙާ އުފެދުނު ޚިޔާލުތަފާތުވުންތަކަށް ފަހެވެ. ދެ ބޭފުޅުންގެ ގުޅުން ގޯސްވެ، އޭރު ނަޝީދު ވަނީ އެމްޑީޕީ ސަރުކާރަށް ކޮރަޕްޝަނާއި އެކި ކަހަލަ ތުހުމަތުތައް ކުރައްވައިފައެވެ.
އެ ފަހުން 2023 ވަނަ އަހަރުގެ ރިޔާސީ އިންތިޚާބަށް އެމްޑީޕީގެ އެތެރޭގެ އިންތިޚާބުގައި ރައީސް ޞާލިޙާއި ވާދަކުރައްވައި ނަޝީދަށް ވަނީ ނާކާމިޔާބާ ކުރިމަތިލާން ޖެހިވަޑައިގެންފައެވެ.