ތޮއްޑޫގައި ބާރަށް ދުއްވި ސައިކަލެއްގައި ދެ އަހަރުގެ ކުއްޖަކު ޖެހި، ފަރުވާއަށް މާލެ ގެނެސްފި
ސަން
19 ޖޫން 2025 | ބުރާސްފަތި | 7:30
އއ. ތޮއްޑޫގައި ބާރު ސްޕީޑުގައި ދުއްވާފައި ދިޔަ ސައިކަލެއްގައި ދެ އަހަރުގެ ތުއްތު ކުއްޖަކު ޖެހި، އަނިޔާތަކެއް ލިބިއްޖެއެވެ.
ރޭ ހިނގި މި ހާދިސާގެ މަންޒަރު ފެންނަ ސީސީޓީވީ ފުޓޭޖެއް ސޯޝަލް މީޑިއާގައި ދަނީ ދައުރުވަމުންނެވެ.
އެ ވީޑިއޯއިން ފެންނަ ގޮތުގައި ތިން އަންހެނަކާ އެކު ހިނގާފައިދިޔަ ތުއްތު ކުއްޖަކު މަގުމަތިން ދުއްވައިގަތްތަނާހެން، ބާރު ސްޕީޑުގައި އެ މަގުން އައި ސައިކަލެއްގައި ޖެހި ވިއްސައިގެންދެއެވެ. އެއާއެކު މަގުގެ އަނެއް ފަރާތުގައި ހުރި ފިރިހެނަކު ވަގުތުން އެ ތުއްތު ކުއްޖާ ނަގައެވެ.