އައްޑޫ ހޮސްޕިޓަލްގެ ކެތު ލެބުގެ ޚިދުމަތް 4 މަސްތެރޭ ފެށޭނެ: ނާޒިމް
ސަން
24 ޖޫން 2025 | އަންގާރަ | 10:38
ޚިދުމަތް ނުފެށި ދިގުލައިގެން ގޮސްފައިވާ އައްޑޫ އިކުއެޓޯރިއަލް ހޮސްޕިޓަލްގެ ކެތެޓަރައިޒޭޝަން ލެބޯރެޓަރީ ނުވަތަ ކެތު ލެބުގެ ޚިދުމަތް ކުރިއަށް އޮތް ހަތަރު މަސް ތެރޭ ނިންމައި، އެތަނުގެ ޚިދުމަތް ރައްޔިތުންނަށް ލިބެން ފަށާނެ ކަމަށް ހެލްތު މިނިސްޓަރު އަބްދުﷲ ނާޒިމް އިބްރާހީމް ވިދާޅުވެއްޖެއެވެ.
އައްޑޫ އިކުއެޓޯރިއަލް ހޮސްޕިޓަލުގެ ކެތު ލެބުގެ ޚިދުމަތް ނުފެށި ލަސްވާ ސަބަބާ ގުޅޭގޮތުން މިނިސްޓަރާ ސުވާލުކުރެއްވީ ރައްޔިތުންގެ މަޖިލީހުގެ ހިތަދޫ މެދު ދާއިރާގެ މެންބަރު އަހުމަދު އަޒާން މަރުޒޫގެވެ.
އެ ސުވާލަށް ލިޔުމުން ދެއްވި ޖަވާބުގައި ހެލްތު މިނިސްޓަރު ނާޒިމް ވިދާޅުވީ، އެ ކެތު ލެބު ގާއިމުކުރުމަށް އިމާރާތަށް ގެންނަންޖެހޭ ބަދަލުތައް ގެނެސް، މެޝިނަރީސް އިންސްޓޯލް ކުރުމާ ގުޅުންހުރި މަސައްކަތްތަކުގެ 98 އިންސައްތަ މިހާރު ނިމިފައިވާ ކަމަށެވެ.