ސްކޭމްތަކުގެ މައްސަލައިގައި ތަންފީޒީ ބާރު ކުޑަ، ގެއްލުން ކުޑަކުރުމަކީ އެންމެންގެ ޒިންމާއެއް: ސީއެމްޑީއޭ
ސަން
25 ޖޫން 2025 | ބުދަ | 9:23
ސްކޭމްގެ މައްސަލަތައް ބެލުމުގެ ގާނޫނީ ޒިންމާ ކެޕިޓަލް މާކެޓް ޑިވަލޮޕްމަންޓް އޮތޯރިޓީ (ސީއެމްޑީއޭ)އަށް އޮތަސް، ތަންފީޒުކުރުމުގެ ބާރު ކުޑަ ކަމަށް އެ އޮތޯރިޓީން ބުނެފިއެވެ.
ދައުލަތުގެ މީޑިއާގެ 'ރާއްޖެ މިއަދު' ޕްރޮގްރާމުގައި ސީއެމްޑީއޭގެ ސީއީއޯ މުޙައްމަދު ހުސައިން މަނިކު ވިދާޅުވީ، އެކަމުގައި މަސައްކަތް އޮންނަނީ ސެކިއުރިޓީއާ ގުޅޭ ކަންކަން ކަމަށެވެ.
އެހެންވެ، ސްކޭމެއް ހިނގިޔަސް ސެކިއުރިޓީއާ ގުޅޭ ކަމެއް ނޫންނަމަ އެ އޮތޯރިޓީގެ މައްސަލައަކަށްނުވާ ކަމަށާއި ގާނޫނާއި ގަވައިދުތައް ހެދިފައި ހުރީ އެފަދަ މައްސަލަތަކަށް ފައްތައިގެން ނޫން ކަމަށް އޭނާ ވިދާޅުވިއެވެ.