ރ. ފައިނުގައި ބުރާސްފަތި ދުވަހުގެ ރޭ ހިނގި ނުރައްކާތެރި އެކްސިޑެންޓުގައި އަނިޔާވި ދެ ކުދިން ވެންޓިލޭޓަރުން ނަގައި، އައިޖީއެމްއެޗުގެ އައިސީޔޫއަށް ބަދަލުކޮށްފިއެވެ.

މި ހާދިސާ ހިނގި މިދިޔަ ބުރާސްފަތި ދުވަހުގެ ރޭ، ފައިނުން "ސަން"އަށް މައުލޫމާތު ދިން މީހަކު ބުނީ އެ ރޭ 19:30ހާއިރު އެކްސިޑެންޓުވީ، 18 އަހަރު ނުވާ ދެ ފިރިހެން ކުދިން ވަރަށް ބާރަށް ސައިކަލު ދުއްވާފައި ދަނިކޮށް ކަމަށެވެ. އެ ދެ ކުދިން ޖެހުނީ، ކަސްރަތަށް ނުކުމެ ހިނގަން ތިބި ދެ ފިރިހެނުންގެ ގައިގައެވެ. އެ ދެ މީހުންނަކީ ފައިނު ސްކޫލްގެ ޕްރިންސިޕަލާއި ޓީޗަރެއް ކަމަށް އޭނާ ބުނެފައިވެއެވެ.

އެ ހާދިސާގައި ލިބުނު އަނިޔާތަކަށް ފަރުވާ ދިނުމަށް ދެ ކުދިންނާއި ދެ މީހުން ވެސް ފުރަތަމަ ގެންދިޔައީ އުނގޫފާރުގައި ހުންނަ އަތޮޅު ހޮސްޕިޓަލަށެވެ. ޕްރިންސިޕަލްގެ ހާލު ސްޓޭބަލް ވެފައިވާއިރު، ދެ ކުދިންނާއި ޓީޗަރު އިތުރު ފަރުވާއަށް މާލެ ގެނައީ މިދިޔަ ހުކުރު ދުވަހެވެ. ދެ ކުދިންނަށް ފުރަތަމަ ފަރުވާ ދިނީ ވެންޓިލޭޓަރުގައެވެ.

މައުޟޫޢުތަށް