ކަފިހި ހުރަހުން ދަނިކޮށް 74 އަހަރުގެ މީހެއްގެ ގައިގައި ސައިކަލެއް ޖެހި، އައްޑޫގައި ނުރައްކާތެރި އެކްސިޑެންޓެއް
ސަން
2 ޖުލައި 2025 | ބުދަ | 9:08
އައްޑޫ ސިޓީ ހިތަދޫގައި މިރޭ ކަފިހި ހުރަސް މަތިން މަގު ހުރަސްކުރަނިކޮށް، 74 އަހަރުގެ މީހެއްގެ ގައިގައި ސައިކަލެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ.
ހިތަދޫގައި ހިނގި އެކްސިޑެންޓުގެ ވީޑިއޯއެއް ސޯޝަލް މީޑިއާގައި ދައުރުވަމުން އަންނައިރު، އެ ވީޑިއޯއިން ފެންނަަނީ އުމުރުން ދުވަސްވީ މީހަކު ކަފިހި ހުރަސް މަތިން ދަނިކޮށް ބާރަށް ދިޔަ ސައިކަލެއް ގޮސް އެ މީހާގެ ގައިގައި ޖެހޭ މަންޒަރެވެ. އެ މީހާ މަގުމައްޗަށް ވެއްޓުނުއިރު، ސައިކަލުގައި އިން މީހާ ވެސް މަގުމައްޗަށް ވެއްޓިފައި އޮންނަ މަންޒަރު ވީޑިއޯއިން ފެނެއެވެ.
ފުލުހުން "ސަން"އަށް މައުލޫމާތު ދިން ގޮތުގައި، ހިތަދޫގައި އެކްސިޑެންޓެއް ހިނގި ކަމުގެ މައުލޫމާތު ލިބުނީ 19:24ހާއިރެވެ.