މި ސަރުކާރުން ވެސް ޗާގޯސްއާ ގުޅޭ ގޮތުން ސިޔާސަތު ބަދަލުކުރި ކަމަށް ބުނެ އެމްޑީޕީގެ ފާޑުކިޔުން
ސަން
3 ޖުލައި 2025 | ބުރާސްފަތި | 8:22
މި ސަރުކާރުން ވެސް ޗާގޯސްއާ ގުޅޭ ގޮތުން ސިޔާސަތު ބަދަލުކުރި ކަމަށް ބުނެ އެމްޑީޕީން މިއަދު ފާޑުކިޔައިފިއެވެ.
ރާއްޖޭގެ ދެކުނަށް އޮންނަ ޗާގޯސް ހޯދުމަށާއި، ޗާގޯސްއާ ކައިރިން ރާއްޖެއާ ފުށުއަރާ ކަނޑުގެ ސަރަހައްދުން އިން ކަނޑައެޅުމަށް، މޮރިޝަސްއިން އަހަރުތަކެއް ވަންދެން މަސައްކަތްކޮށްފައިވާއިރު، އދ.ގައި ރާއްޖެއިން އަބަދުވެސް ވޯޓު ދެމުން އައީ މޮރިޝަސްއާ ދެކޮޅަށެވެ. ނަމަވެސް 2022 ވަނަ އަހަރުގެ އޮގަސްޓު މަހު ރައީސް އިބްރާހީމް މުހައްމަދު ޞާލިޙްގެ ސަރުކާރުން ވަނީ އެ ސްޓޭންޑް ބަދަލުކޮށްފައިވާކަން ސިޓީފުޅަކުން މޮރިޝަސްއަށް އަންގަވައިފައެވެ.
އެއަށްފަހު، އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އިން 2023ވަނަ އަހަރުގެ އޭޕްރިލް 29ގައި ނިންމީ، ރާއްޖެއާއި މޮރިޝަސްއާ ފުށުއަރާ ސަރަހައްދުގެ ބޮޑުބައެއް ރާއްޖެއަށް ދިނުމަށެވެ.