ޓޫރިޒަމް ވިޔަފާރިތަކަށް ޑޮލަރު މާރުކުރަން މަޖުބޫރު ކުރިނަމަވެސް، މިއަދާ ހަމައަށް ދައުލަތުގެ ބޭރު ފައިސާގެ ރިޒާވް އިތުރުނުވާ ކަމަށް ރައްޔިތުންގެ މަޖިލީހުގެ މާލިއްޔަތު ކޮމިޓީގައި ހިމެނިވަޑައިގަންނަވާ ހުޅުމާލޭ ދެކުނު ދާއިރާގެ މެންބަރު ޑރ. އަހްމަދު ޝަމްހީދު މިރޭ ވިދާޅުވެއްޖެއެވެ.

އެމްޑީޕީން މިރޭ ބޭއްވި ހަރުގެ ޖަލްސާގައި ވާހަކަ ދައްކަވަމުން އޭނާ ވިދާޅުވީ މެއި މަހުގެ ނިޔަލަށް ދައުލަތުގެ ރިޒާވުގައި 815 މިލިއަން ޑޮލަރު ހުރި ކަމަށެވެ. އެއީ ނުވަ މަސް ތެރޭގައި އިންޑިއާއަށް އަނބުރައި ދައްކަންޖެހޭ 400 މިލިއަން ޑޮލަރު ވެސް ހިމަނައިގެން ރިޒާވުގައި ހުރި މިންވަރު ކަމަށާއި އެހެން ކަމުން ރިޒާވުގައި އަސްލު ބާކީ ހުރީ 415 މިލިއަނެއްހައި ޑޮލަރު ކަމަށް އޭނާ ވިދާޅުވިއެވެ.

ޝަމްހީދު ވިދާޅުވީ އެމްޑީޕީން މި ސަރުކާރާ ވެރިކަން ހަވާލުކުރިއިރު ވެސް ދައުލަތުގެ ރިޒާވުގައި 590 މިލިއަން ޑޮލަރު ހުރި ކަމަށެވެ.

މައުޟޫޢުތަށް