ދަނޑުވެރިކަމުގައި އައު ގޮތްތައް ހޯދަން ފުޑް އެންޑް އެގްރިކަލްޗާ އޯގަނައިޒޭޝަނާ މަޝްވަރާކޮށްފި
ސަން
6 ޖުލައި 2025 | އާދިއްތަ | 1:39
ދަނޑުވެރިކަން ކުރުމުގައި އައު ގޮތްތައް ހޯދުމާ ގުޅޭގޮތުން، ދަނޑުވެރިކަމާއި ދިރޭތަކެއްޗާ ބެހޭ ވަޒީރު ޑރ. މަރްޔަމް މާރިޔާ، ފުޑް އެންޑް އެގްރިކަލްޗާ އޯގަނައިޒޭޝަން (އެފްއޭއޯ)ގެ ޑިރެކްޓާ ޖެނެރަލް، ޗޫ ޑޮންގްޔޫއާ މަޝްވަރާކުރައްވައިފިއެވެ.
އެފްއޭއޯގެ 44ވަނަ ޖަލްސާގެ ހަވާސާގެ ތެރެއިން ބޭއްވި މި ބައްދަލުކުރެއްވުމުގައި ދަނޑުވެރިކަމާ ގުޅުން ހުރި ގިނަ ކަންކަމާ ގުޅޭ ގޮތުން ދެ ބޭފުޅުން ވަނީ މަޝްވަރާކުރައްވާފައެވެ.
އެގޮތުން، ދަނޑުވެރިކަމުގައި ޑިޖިޓަލް ހައްލުތަކާއި އައު ގޮތްތައް ހޯދުމަށާއި މޫސުމަށް އަންނަ ބަދަލުތަކާ ކުރިމަތިލުމަށް ދަނޑުވެރިކަމާއި މަސްވެރިކަމުގެ ދާއިރާގެ ގާބިލުކަން އިތުރުކުރުމަށް އެ ބައްދަލުކުރެއްވުމުގައި ވަނީ މަޝްވަރާކޮށްފައެވެ.