ރައީސް ޑރ. މުހައްމަދު މުއިއްޒުގެ ގަރާރަކުން، ނ. މާފަރުން މިއަދު ވަކިކުރި ފަރުމުލީގައި ރިސޯޓެއް ތަރައްގީކޮށް ހިންގާނެ ބަޔަކު ހޯދަން އިއުލާންކޮށްފިއެވެ.

މާފަރުގެ ބޮޑު ފަޅުތެރޭގައި އޮންނަ ދެ ފަޅުރަށް ކަމަށްވާ ބައްތިޖެހި ރަށާއި ފަރުމުލި، ކުރީގެ ރައީސް އިބްރާހީމް މުހައްމަދު ޞާލިޙްގެ ސަރުކާރު ފެށުނުއިރު އޮތީ މާފަރުގެ އިހްތިސާސްގެ ތެރޭގައެވެ. ނަމަވެސް އެ ވެރިކަމުގައި 2020ވަނަ އަހަރު އެ ދެ ރަށް ހިމެނޭ ގޮތަށް، މާފަރުގެ ފަޅުން 80 ހެކްޓަރުގެ ސަރަހައްދެއް ވަނީ އިހްތިސާސުން ވަކިކޮށްފައެވެ.

އެއަށްފަހު 2023 ވަނަ އަހަރުގެ ރިޔާސީ އިންތިޚާބާ ދިމާކޮށް ރައީސް މުއިއްޒު މާފަރަށް ވަޑައިގެން، އެ ރަށުގެ އިހުތިސާސުން ވަކިކުރި ބައި ހޯދައި ދެއްވާނެ ކަމަށް ވިދާޅުވިއެވެ. އެ ވައުދުފުޅާ އެއްގޮތަށް އެ މަނިކުފާނު މިދިޔަ އަހަރުގެ އޭޕްރިލް މަހުގެ 15ގައި ސޮއިކުރެއްވި ގަރާރަކުން ވަނީ ފަރުމުލި މާފަރަށް ދެއްވައިފައެވެ.

މައުޟޫޢުތަށް