މިދިޔަ މަހު ޒަކާތު ފަންޑުން އެންމެ ބޮޑު އެހީއެއް ޓްރާންސްޕްލާންޓުތަކަށް، ޚަރަދު 7 ލައްކައިގައި
ސަން
9 ޖުލައި 2025 | ބުދަ | 6:51
ނިމުނު ޖޫން މަހު ފަގީރުންނާއި މިސްކީނުންގެ ބޭސްފަރުވާގެ ތެރެއިން އެންމެ ގިނައިން އެހީ ދިނީ ޓްރާންސްޕްލާންޓު ނުވަތަ ގުނަވަން ބަދަލުކުރުމުގެ ފަރުވާއަށް ކަމަށާއި އެކަމަށް ކުރި ޚަރަދު ހަތް ލައްކައަށް ވުރެ އިތުރު ކަމަށް ޒަކާތު ހައުސްގެ ތަފާސްހިސާބުތަކުން ދައްކައިފިއެވެ.
ޒަކާތު ފަންޑުން އަންނަނީ ކޮންމެ މަހަކު ވެސް ފަގީރުންނާއި މިސްކީނުންގެ ބޭސްފަރުވާއަށް ޚަރަދު ކުރަމުންނެވެ. އެ ޚަރަދުތަކުގެ ތަފުސީލުތައް ކޮންމެ މަހަކު ވެސް އާންމުކުރެއެވެ.
މިދިޔަ މަހުގެ ތަފާސްހިސާބުގައިވާ ގޮތުން، 104 މީހުންގެ އެހީއަށް މިދިޔަ މަހު 1.76 މިލިއަން ރުފިޔާ އެހީއަށް ހަމަޖައްސައިފައިވެއެވެ.