އެންސިސްގައި ރޯވުން: އަލިފާން ނިއްވާލައިފި، އެކަމު ދުން ބޯ
ސަން
11 ޖުލައި 2025 | ހުކުރު | 3:14
ހުޅުމާލޭ އިންޑަސްޓްރިއަލް ޒޯނުގައި ހުންނަ އެންސިސް ގުދަނުގައި ރޯވި އަލިފާންގަނޑުގެ އެއްކޮށްހެން މިހާރު ނިއްވާލެވިފައިވާ ކަމަށް އެމްއެންޑީއެފުން ބުނެފިއެވެ.
އެމްއެންޑީއެފްއިން ބުނީ މި ހާދިސާގެ މަޢުލޫމާތު ލިބިފައިވަނީ މިރޭ 18:48 ހާއިރު ކަމަށެވެ. އެއާއެކު އެމްއެންޑީއެފްގެ ހުޅުމާލޭ ފަޔަ އެންޑް ރެސްކިއު ސާވިސްއިންވަނީ ވަގުތުން އެޓެންޑުވެފައެވެ.
ހާދިސާ ހިނގި ސަރަހައްދުން މީގެ ކުރިން "ސަން"އާ ވާހަކަ ދައްކަވަމުން، ފަޔަ އެންޑް ރެސްކިއުގެ އޮފިސަރަކު ވިދާޅުވި ގޮތުގައި ފަޔަ އެންޑް ރެސްކިއު ޓީމުން އެ ސީންއަށް އެޓެންޑުވިއިރު، އަލިފާންގަނޑުވަނީ ވަރަށް ބޮޑަށް ރޯވެފައެވެ. އެއާއެކު މާލޭގެ ފަޔާ ސްޓޭޝަނުން ވެސް ވަނީ އެހީތެރިކަން ހޯދައިފައެވެ.