ރީހެބް އޮފިސަރުންތަކެއް ފުރަތަމަ ފަހަރަށް ކައުންސެލިން ޕްރޮގްރާމެއް ފުރިހަމަކޮށްފި
ސަން
13 ޖުލައި 2025 | އާދިއްތަ | 1:36
ޖަލުތަކުގައި ގައިދީންނަށް ރީހެބިލިޓޭޝަން ޕްރޮގްރާމްތައް ހިންގާ އޮފިސަރުންތަކެއް ކައުންސެލިން އާއި ނަފުސާނީ ބަލިތަކާ ގުޅޭ ތަމްރީނު ޕްރޮގްރާމެއް ފުރިހަމަކޮށްފިއެވެ.
ކަރެކްޝަންސް އިން ބުނީ، މިއީ ޖަލުތަކުގައި ރީހެބިލިޓޭޝަން ޕްރޮގްރާމްތައް ހިންގާ އޮފިސަރުންތަކެއް ފުރިހަމަކުރި މިފަދަ ފުރަތަމަ ތަމްރީނު ޕްރޮގްރާމް ކަމަށެވެ.
މިދިޔަ ޖޫން މަހުގެ 30ވަނަ ދުވަހުން ފެށިގެން މި މަހުގެ 10ވަނަ ދުވަހުގެ ނިޔަލަށް އަވަށްޓެރި ސްރީލަންކާގެ ނިގަންބޯގައި ހުންނަ އެ ގައުމުގެ ހެލްޕިން ހޭންޑް ސައިކޮލޯޖިކަލް ހޮސްޕިޓަލާ ގުޅިގެން ހިންގި މި ޕްރޮގްރާމްގައި ޖަލުތަކާއި ހެޑް އޮފީސް ހިމެނޭހެން ކަރެކްޝަންސްގެ ނުވަ އޮފިސަރަކާއި ސިވިލް މުވައްޒަފަކު ބައިވެރިވެފައިވާ ކަމަށް އެ ޚިދުމަތުން ބުންޏެވެ.