މަގޫދޫ އެއާޕޯޓުގެ ފަޔާބިލްޑިންގެ ބިއްލޫރިތައް ތަޅައި، ރޯކޮށްލަން އުޅެފި
ސަން
14 ޖުލައި 2025 | ހޯމަ | 12:02
ފ. މަގޫދޫގައި ތަރައްގީކުރަމުންދާ އެއާޕޯޓަށް ގެއްލުން ދީ، އެ ތަނުގައި އަލިފާން ރޯކޮށްލުމަށް މަސައްކަތްކޮށްފިއެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނީ، މަގޫދޫ އެއާޕޯޓުގައި އިމާރާތްކޮށްފައިވާ އެއާޕޯޓު ފަޔާ އިމާރާތުގެ ވަށައިގެންވާ ބިއްލޫރިތައް ރޭގެ ވަގުތެއްގައި ތަޅާލި މައްސަލައެއް މިއަދު ހެނދުނު 7:47 ހާއިރު އެމްޓީސީސީ މަގޫދޫ ސައިޓުގެ ފަރާތުން ފުލުހުންނަށް ހުށަހަޅާފައިވާ ކަމަށެވެ.
މިހާތަނަށް ބެލި ބެލުމުން، އިމާރާތުގެ ބިއްލޫރިތައް ތަޅާލުމުގެ އިތުރުން އެ ތަނުގައި އަލިފާން ރޯކޮށްލުމަށް މަސައްކަތްކޮށްފައިވާ ކަމަށް ފާހަގަކުރެވިފައިވާ ކަމަށް ފުލުހުން ބުންޏެވެ.