ނުކުޅެދުންތެރިކަން ހުންނަ ފަރާތްތަކަށް ކޮންމެހެން ބޭނުންވާ އެސިސްޓިވް ޑިވައިސް ފޯރުކޮށްދިނުމުގައި ރާއްޖެއިން އިސްކަންދޭނެ ނޭޝަނަލް ޕްރައޯރިޓީ އެސިސްޓިވް ޕްރޮޑަކްޓު ލިސްޓެއް، ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ)އިން ތައްޔާރު ކުރަން ފަށައިފިއެވެ.

މިއީ ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ)ގެ އެހީތެރިކަމުގެ ދަށުން، އެ ޖަމިއްޔާއިން މިކަމަށް ކަނޑައަޅުއްވާފައިވާ ޓެކްނިކަލް ކޮންސަލްޓަންޓުގެ ފަންނީ ލަފާގެ އަލީގައި ފެށުނު މަސައްކަތެކެވެ.

މި ލިސްޓުގައި ހިމެނޭނީ ރާއްޖޭގެ ހާލަތަށް ބިނާކޮށް، އެންމެ އިސްކަންދޭންޖެހޭނެ ކަންކަމާއި، އެ ކަންކަމަށް އެހީތެރިވުމަށް ބޭނުންވާ އާލާތްތަކެވެ. މިފަދަ "އެސިސްޓިވް ޕްރޮޑަކްޓްސް"ތަކަކީ ޖިސްމާނީ، ހިއްސުތަކާގުޅޭ އަދި ވިސްނުމާއި، ހަނދާންކުރުމުގައި ހުންނަ ތަފާތު އުނިކަންތައް ތަހައްމަލްކުރާ ފަރާތްތަކަށް އެހީތެރިވުމަށް ފަރުމާކޮށްފައި ހުންނަ ތަކެއްޗެވެ.

މައުޟޫޢުތަށް