މާލޭގެ މަގުތަކުން ފެން ހިންދުމަށް އިތުރު ދެ ޕަމްޕު ސިޓީ ކައުންސިލުން ހޯދަނީ
ސަން
19 ޖުލައި 2025 | ހޮނިހިރު | 8:12
ބޯކޮށް ވާރޭ ވެހޭ ދުވަސްދުވަހު މާލޭގެ މަގުތަކުގައި ފެން ބޮޑުވާ މައްސަލަ ހައްލުކުރުމަށްޓަކައި "ގްލޯބަލް" ބްރޭންޑުގެ ޕަމްޕު ފޯރުކޮށްދޭނެ ފަރާތެއް ހޯދުމަށް ސިޓީ ކައުންސިލުން ބީލަމަށް ހުޅުވާލައިފިއެވެ.
ސިޓީ ކައުންސިލުން މިއަދު ބުނީ، ފެން ބޮޑުވާ މައްސަލަ ހައްލުކުރުމަށްޓަކައި "ގްލޯބަލް" ބްރޭންޑުގެ ދެ ޕަމްޕު އެ ކައުންސިލަށް ބޭނުންވާ ކަމަށެވެ.
އެގޮތުން މި ދެ ޕަމްޕު ކައުންސިލަށް ފޯރުކޮށްދިނުމަށް ޝައުގުވެރިވާ ފަރާތްތަކުގެ މައުލޫމާތު ސާފުކުރުން، ކައުންސިލް އިދާރާގެ ބޮޑުތަކުރުފާނު މަގުގައި ހުންނަ އޮފީހުގައި މާދަމާ ހެނދުނު 10 ޖަހާއިރު އޮންނާނެ ކަމަށާއި، އަގު ހުށަހެޅުން އޮންނާނީ ހަމަ އެ އޮފީހުގައި، މި މަހުގެ 31ވަނަ ދުވަހުގެ، ހެނދުނު ނުވައެއް ޖަހާއިރު ކަމަށް ކައުންސިލުން ބުންޏެވެ.