ޓްރާންސް މޯލްޑިވިއަން އެއާވޭސް (ޓީއެމްއޭ)ގެ ޕައިލެޓުންގެ މުސާރަ ދޫކުރުމުގެ އޮނިގަނޑަށް ގެނައި ބަދަލާ ގުޅިގެން އެ ކުންފުނީގެ ޕައިލެޓުން މިމަހުގެ 26ވަނަ ދުވަހުން ފެށިގެން ދަތުރުތައް ކުރުން މެދުކަނޑާލަން އުޅޭ ކަމަށް ބުނާ މައްސަލައިގައި މޯލްޑިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ)އިން ކަންބޮޑުވުން ފާޅުކޮށްފިއެވެ.

ޓީއެމްއޭގެ ޕައިލެޓުންގެ މުސާރައިގެ އޮނިގަނޑަށް ގެނައި ބަދަލާއެކު ކުރިން ޑޮލަރުން ދެމުން އައި މުސާރައިގެ ބައެއް ދެން ދޭނީ ދިވެހި ރުފިޔާއިންނެވެ. އެގޮތުން މުސާރައިގެ 20 އިންސައްތަ ދިވެހި ރުފިޔާއިން ދޭން ވަނީ ނިންމައިފައެވެ.

މިކަމާ ހިތްހަމަނުޖެހުން ފާޅުކުރުމަށް އަންނަ ހޮނިހިރު ދުވަހު ޓީއެމްއޭގެ ޕައިލެޓުން ސީޕްލޭންގެ ދަތުރުތައް މެދުކަނޑައިލަން އުޅޭކަމުގެ އަޑުތައް ވަނީ ފެތުރިފައެވެ.

މައުޟޫޢުތަށް