ތައިސޭ ކޮށި މިއުޒިކް ބޭންޑުތަކަށް ކުއްޔަށް ދޭން ކައުންސިލުން ނިންމައިފި
ސަން
23 ޖުލައި 2025 | ބުދަ | 1:22
މާލެ ސިޓީ ކައުންސިލްގެ އާންމު ޚިދުމަތްތަކާ ބެހޭ ބައިގައި އޮންނަ ހުސް ބިން ކަމަށްވާ ތައިސޭ ކޮށި މިއުޒިކް ޝޯ ތަކަށާއި ހުނަރު ދައްކާލަން ދޭން ފެންނަ ކަމަށް ކައުންސިލުން މިއަދު ފާސްކޮށްފިއެވެ.
މިއަދު ބޭއްވި ކައުންސިލްގެ ރަސްމީ އާންމު ޖަލްސާގައި މި ހުށަހެޅުއްވުން ހުށަހެޅުއްވީ މޭޔަރު އާދަމް އާޒިމެވެ. އާޒިމް ވިދާޅުވީ، ތައިސޭ ކޮށި ސާފުކޮށް އެ ތަނުގެ ގޮނޑުކަން ފިލުވާލާފައިވާ ކަމަށާއި އެ ތަނުން ރަނގަޅު ބިމެއް ހެދިފައިވާތީ އާމްދަނީ ލިބޭ ތަނަކަށް އެ ބިން ބަދަލުކުރަން ފެންނަ ކަމަށެވެ.
އޭނާ ހުށަހެޅުއްވީ ބިމުގެ ބޮޑުމިނަށް ބަލައި، ކައުންސިލުން ބިންތައް ކުއްޔަށްދޭ އަގުތައް ބަލައި، އަކަފޫޓަކަށް ޖެހޭ ވަރު ބަލައިގެން ކުއްޔަށް ދިނުމަށެވެ. ބިން ކުއްޔަށް ދޫކުރާއިރު އާޒިމް ހުށަހެޅުއްވީ ކައުންސިލްގެ ސީއެސްއާރުގެ ދަށުން އެ ބިން ދޫކުރުމަށެވެ.