ފުލުހުންގެ ފަސް އޮފިސަރަކު ވަކި ކުރުމަށް ޕޮލިސް ބޯޑުން ނިންމާފައިވާ ނިންމުމާ ގުޅިގެން ހައިކޯޓަށް ހުށަހަޅާފައިވާ މައްސަލައިގައި، ދައުލަތުން ޝަރީއަތުގެ ނިޒާމުގެ ބޭނުން ނަހަމަ ގޮތުގައި ހިފާކަމަށް ބުނެ، ހައިކޯޓުން މައްސަލަ ބާތިލުކޮށްފިއެވެ.

ހައިކޯޓުގައި މި މައްސަލަ އޮންނަތާ ދެ އަހަރަށްވުރެ ގިނަ ދުވަސް ފަހުން، މައްސަލަ މިއަދު ބާތިލު ކުރީ، މައްސަލަ ބެލި ފަނޑިޔާރުންގެ އަގުލަބިއްޔަތުންނެވެ. މައްސަލަ މިއަދު ބާތިލު ކުރިއިރު، ސިވިލް ކޯޓުގެ ނިންމުމަށް އަމަލު ނުކުރަން ހައިކޯޓުން ކުރިން އޮތީ އަމުރުވެސްކޮށްފައެވެ. މި މައްސަލަ ހައިކޯޓުގައި ކުރިއަށް ގެންދަނީ ގައުމީ ސަލާމަތަށް ބަލައި، އާއްމުކޮށް ހުޅުވައިނުލައެވެ.

މި މައްސަލައިގައި ހައިކޯޓުން މިއަދު ނިންމި ނިންމުމުގައި، އިސްތިއުނާފަށް ކުރާ އަސަރުގެ ގޮތުގައި ގިނަ ކަންކަން ފާހަގަކޮށްފައި ހުއްޓެވެ. މި ގޮތުން، އިސްތިއުނާފުގެ ނަޒާހަތްތެރިކަމަށް ބުރޫ އެރުމާއި، އިސްތިއުނާފުގެ ސްޓޭންޑް ސާފު ނުވުމާއި ކޯޓުގެ ވަސީލަތްތައް ހެޔޮތުގައި ބޭނުން ނުކުރެވި ދިޔުމުގެ އިތުރުން ޝަރުއީ ނިންމުންތަކުގެ އިތުބާރު ގެއްލި، އިހުތިރާމް ކުޑަވާނެކަން ފާހަގަކޮށްފައިވެއެވެ.

މައުޟޫޢުތަށް