މޯދީގެ ދަތުރުފުޅާ ގުޅިގެން އިންޑިއާ ޓޫރިސްޓުންގެ އަދަދު އިތުރުވާނެ: ރައީސް
ސަން
26 ޖުލައި 2025 | ހޮނިހިރު | 6:28
އިންޑިއާގެ ބޮޑުވަޒީރު ނަރެންދްރަ މޯދީ ރާއްޖެއަށް ވަޑައިގަތުމުގެ ސަބަބުން އެ ގައުމުން އަންނަ ފަތުރުވެރިންގެ އަދަދު އިތުރުވާނެ ކަމަށް، ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ރާއްޖެ މިނިވަންވިތާ 60 އަހަރު ފުރުން ފާހަގަކުރުމަށް ބޭއްވި ރަސްމިއްޔާތު ޝަރަފުވެރިކޮށްދެއްވުމަށްޓަކައި މޯދީ ރާއްޖެ ވަޑައިގަތީ އިއްޔެއެވެ. މޯދީ އާއި ރައީސް ވަނީ މެންދުރުފަހު ރަސްމީކޮށް ބައްދަލުކުރައްވައި، މަތީ ފަންތީގެ ބައްދަލުވުންތަކަށް ފަހު، ދެ ގައުމުގެ ދެމެދުގައި ފަސް މުއާހަދާއަކާއި ތިން އެއްބަސްވުމެއް ބަދަލުކޮށްފައެވެ.
މިނިވަން ދުވަސް ފާހަގަކުރުމުގެ ރަސްމިއްޔާތަށްފަހު އިންޑިއާގެ ނޫސްވެރިންނަށް ރައީސް ވަނީ ބަސްދީގަތުމެ ދެއްވައިފައެވެ.