މިނިވަންކަމުގައި ތިބުމަށް އެހެން ގައުމުތައް މުހިންމު ދައުރެއް އަދާކުރޭ: އާދަމް ނަސީރު
ސަން
27 ޖުލައި 2025 | އާދިއްތަ | 10:08
މިނިވަން ގައުމެއްގެ ގޮތުގައި ދެމި އޮތުމަށް އެހެން ގައުމުތައް މުހިންމު ދައުރެއް އަދާކުރާ ކަމަށް ދިވެހި ބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަސީރު އިބްރާހީމް މިއަދު ވިދާޅުވެއްޖެއެވެ.
މިނިވަން ދުވަހުގެ ރަސްމީ ޖަލްސާގައި ވަޒީރު ވިދާޅުވީ، ހަގީގަތުގައި ދިވެހި ދައުލަތަކީ އުފެދުނީއްސުރެ، ދިވެހީން މިނިވަންކަން ކަށަވަރުކުރަމުން އައި ޤަދީމީ ދައުލަތެއް ކަމަށެވެ.
ދިވެހި ދައުލަތުގެ މިނިވަންކަމަށް އެކި 'ހިޔަނި' އެޅުނުކަން ވަޒީރު ފާހަގަކުރެއްވިއެވެ. އެއް ކަމެއްގެ ގޮތުން، އާދަމް ނަސީރު ފާހަގަކުރެއްވީ 1887 އިން 1965 އިނގިރޭސީންގެ ހިމާޔަތުގެ ދަށުގައި ދިވެހީން ތަޖުރިބާ ކުރި ދުވަސްތަކެވެ. އެގޮތުން، މިއަދު އާކުރަނީ އެ ހިމާޔަތުން މިނިވަންވެގަތް 'ހަގީގަތުގެ' ޒިކުރާ ކަމަށް ވަޒީރު ވިދާޅުވިއެވެ.