ރަސްމީ އިއްޒަތުގައި ސޯބިރު ފަސްދާނުލައްވައިފި
ސަން
28 ޖުލައި 2025 | ހޯމަ | 8:39
މިއަދު އަވަހާރަވި ކުރީގެ ޓޫރިޒަމް މިނިސްޓަރު އަދި ނިޝާން އިއްޒުއްދީންގެ އިއްޒަތުގެ ވެރިޔާ، ޙަސަން ސޯބިރު ރަސްމީ އިއްޒަތުގައި ފަސްދާނުލައްވައިފިއެވެ.
މިއަދުގެ އަސުރު ނަމާދަށް ފަހު ސޯބިރުގެ ކަށުނަމާދު ބާއްވާފައި ވަނީ އިސްލާމީ މަރުކަޒުގައެވެ. އެއަށްފަހު، ރަސްމީ އިއްޒަތުގައި ސޯބިރު ފަސްދާނުލެއްދީ ގަލޮޅު ސަހަރާގައެވެ.
އުމުރުން 74 އަހަރުގައި ސޯބިރު މިއަދު އަވަހާރަވީ ކެންސަރު ބައްޔަށް ފަރުވާ ކުރައްވާތާ ގިނަ ދުވަސްވީ ފަހުން، ހުޅުމާލޭގެ ޓްރީޓޮޕް ހޮސްޕިޓަލުގައި ފަރުވާ ހޯއްދަވަނިކޮށެވެ.