މިނިވަން 60 ފާހަގަކުރަން ދިރާގުން ސްޓްރީޓް އެގްޒިބިޝަނެއް، ތަރުހީބު ބޮޑު
ސަން
29 ޖުލައި 2025 | އަންގާރަ | 3:50
ދިވެހިރާއްޖެ މިނިވަންވިތާ 60 އަހަރު ފުރުން ފާހަގަކުރުމުގެ ގޮތުން ދިރާގުން ރާއްޖޭގެ އެކި ސަރަހައްދުތަކުގައި ސްޓްރީޓް އެގްޒިބިޝަނެއް ބާއްވައިފިއެވެ.
ދިރާގުން ބުނީ، މި އެގްޒިބިޝަން ބޭއްވީ ރާއްޖެ މިނިވަންވިތާ 60 އަހަރު ފުރުމުގެ މުނާސަބަތުގައި އެކުލަވާލާފައިވާ، މި އަހަރުގެ ކަލަންޑަރު "މިނިވަންކަންމަތީ އަބަދަށް"ގެ މައްޗަށް ބިނާކޮށް ކަމަށާއި މި އެގްޒިބިޝަންގައި ދިވެހި ސަގާފަތާއި އާދަކާދަ ދައްކުވައިދޭ ކުރެހުން ހިމެނޭ ކަމަށެވެ.
ދިރާގުގެ ބްރޭންޑް އެންޑް އިވެންޓްސް މެނޭޖަރު ނާޔާ ޝަރީފް ވިދާޅުވީ، މިނިވަން ދުވަހުގެ ތާރީޚީ މުނާސަބަތުގައި ރާއްޖޭގެ ސަގާފަތާއި އާދަކާދަ، މި ސްޓްރީޓް އެގްޒިބިޝަން މެދުވެރިކޮށް މުޖުތަމައު އެއް ތަނަކަށް ގެނެސް، ކުލަގަދަކޮށް މިނިވަން ދުވަސް ފާހަގަކޮށް، އެކަކު އަނެކަކާ ގުޅުން ބަދަހިކުރުމަށް މަގުފަހިކޮށްދިނުމަކީ ލިބުނު އުފަލެއް ކަމަށެވެ.