ކުރީގެ ޓޫރިޒަމް މިނިސްޓަރު އަދި ނިޝާން އިއްޒުއްދީންގެ އިއްޒަތުގެ ވެރިޔާ، ޙަސަން ސޯބިރު އިއްޔެ އަވަހާރަވުމާ ގުޅިގެން އަންނަ ބުރާސްފަތި ދުވަހު ތައުޒިޔާގެ ދަފުތަރެއް ހުޅުވުމަށް ރައީސް ޑރ. މުޙައްމަދު މުއިއްޒު ނިންމަވައިފިއެވެ.

ދަފުތަރު ހުޅުވުމަށް ރައީސް ނިންމަވާފައި ވަނީ، ޓޫރިޒަމް އެންޑް އެންވަރަމެންޓް މިނިސްޓްރީގައެވެ. ރައީސް އޮފީހުން ބުނީ، އެއީ، އެންމެ ދިގު މުއްދަތަކަށް ސޯބިރު ޚިދުމަތް ކުރައްވާފައި ވަނީ ފަތުރުވެރިކަމުގެ ވުޒާރާއަށް ކަމަށްވާތީ ކަމަށެވެ.

ދަފުތަރު ހުޅުވާފައި ހުންނާނީ އަންނަ ބުރާސްފަތި ދުވަހުން ފެށިގެން އަންނަ އޮގަސްޓު މަހުގެ ހަތްވަނަ ދުވަހުގެ ނިޔަލަށް، ބަންދުނޫން ކޮންމެ ދުވަހަކު ހެނދުނު 10:00އިން މެންދުރުފަހު 1:00 އަށެވެ.

މައުޟޫޢުތަށް