ބަރަހަނާ ޗެނަލްތައް ހިންގި މީހާ، ބައި މިލިއަނުން ޖޫރިމަނާކޮށް ޖަލަށް
ސަން
31 ޖުލައި 2025 | ބުރާސްފަތި | 12:01
ސޯޝަލް މީޑިއާ މެސެޖިން އެޕްލިކޭޝަން ޓެލަގްރާމްގައި "ޖަޒީރާ" އާއި "ޖަޒީރާ ގާލްސް" އާއި "ޖަޒީރާ އެސްކޯޓު ގެލެރީ" ނަމުގައި ޗެނަލްތަކެއް ހަދައި ގާނޫނާ ހިލާފު އަމަލުތައް ކުރަމުން ދިޔަ މީހަކު ބައި މިލިއަނެއްހާ ރުފިޔާއިން ޖޫރިމަނާކޮށް ހަތަރު އަހަރަށް ޖަލަށްލާން ކުރިމިނަލް ހުކުމްކޮށްފިއެވެ.
"ޖަޒީރާ އެޑްމިން" ގެ ނަމުގައި ޓެލެގްރާމް ޔޫސާއެއް ކްރިއޭޓްކޮށް، ޓެލެގްރާމްގައި "ޖަޒީރާ"، "ޖަޒީރާ ގާލްސް" އަދި "ޖަޒީރާ އެސްކޯޓު ގެލެރީ" ނަމުގައި ތިން ޗެނަލެއް އުފައްދައި އަދި އެ ޗެނެލްތައް މެދުވެރިކޮށް މަސްތުވާތަކެއްޗާއި ހަށި ވިއްކުމުގެ ވިޔަފާރި އިޝްތިހާރު ކުރަމުން ދިޔަ ކަމުގެ ތުހުމަތުގައި ދައުލަތުން ދައުވާ ކުރީ ދރ. 12966، އިބްރާހިމް ރަޝީދު ކިޔާ މީހެއްގެ މައްޗަށެވެ.
މި މައްސަލަތަކާ ގުޅިގެން އިބްރާހިމް ރަޝީދުގެ މައްޗަށް ހަތަރު ދައުވާކޮށްފައިވެއެވެ. އެއީ ހަޑި ހުތުރު އެއްޗެއް ރައްދު ކުރުމުގެ ކުށުގެ ދައުވާ، މަނީ ލޯންޑްރިންގެ ދައުވާ، މީހަކު ލައްވާ ހަށި ވިއްކުވުމުގައި އެހީތެރިވެދިނުމުގެ ކުށުގެ ދައުވާ، އަދި މީހަކު ހަށި ވިއްކައިގެން ލިބޭ އާމްދަނީ ކަން އެނގި ހުރެ ބޭނުން ކުރުމުގެ ކުށުގެ ދައުވާ އެވެ.