މަޑުލު ވަހީދުގެ ހަނދާނުގައި އުފަންރަށުގައި ތައުބީނުގެ ޖަލްސާއެއް ބާއްވައިފި
ސަން
1 އޯގަސްޓު 2025 | ހުކުރު | 3:18
މަޑުލު މުޙައްމަދު ވަހީދުގެ ހަނދާނުގައި އުފަން ރަށް ހއ. ހޯރަފުށީގައި ތައުބީނުގެ ޖަލްސާއެއް ރޭ ބާއްވައިފިއެވެ.
ދިވެހި އަދަބިއްޔާތާއި ނޫސްވެރިކަމަށް ގިނަ ޚިދުމަތްތަކެއް ކުރައްވާފައިވާ މަޑުލު ވަހީދު އަވަހާރަވީ އޭޕްރީލް 14 ގައެވެ.
އެ ޖަލްސާގައި ވަހީދުގެ ފަނޑުވުމެއް ނެތް ހަނދާންތަކާއި ޚިދުމަތްތަކުގެ މައްޗަށް ވީޑިއޯ ރިޕޯޓެއް ވަނީ ދައްކާފައެވެ. އެއަށް ފަހު، އެކި ބޭފުޅުން ވަނީ މަޑުލު ވަހީދުގެ ހަނދާންތައް އާކުރައްވައި ވާހަކަފުޅު ދައްކަވާފައެވެ. އޭގެ ތެރޭގައި، ދިވެހިބަހުގެ އެކެޑަމީގެ ރައީސް ޑރ. އަޝްރަފް އަބްދުއްރަޙީމާއި މަޑުލު ވަހީދުގެ އާއިލާ ބޭފުޅުންނާއި މުޙައްމަދު ސަލީމާއި އާދަމް އަބްދުއްރަޙުމާނާއި ހޯރަފުށީ ކައުންސިލްގެ ރައީސް މުޙައްމަދު ވަހީދު ހިމެނެއެވެ.