ކޯޓުތަކުގައި ނުނިމި 8،000އަށްވުރެ ގިނަ މައްސަލަ، ދެގުނަ މަސައްކަތްކުރަން ޖެހޭ: ޖޭއެސްސީ
ސަން
4 އޯގަސްޓު 2025 | ހޯމަ | 1:24
ރާއްޖޭގެ ކޯޓުތަކުގައި 8،000 އަށްވުރެ ގިނަ މައްސަލަތައް ނުނިމި އެބަހުރި ކަަމަށާއި އެއް ބަޔަކު އަނެއް ބަޔަކަށް އިނގިލި ދިއްކޮށްގެން އެ ކަމަށް ހައްލެއް ނެތް ކަމަށް ޖުޑިޝަލް ސާވިސް ކޮމިޝަން (ޖޭއެސްސީ)ގެ ރައީސް ހުސައިން ރިޒާ އާދަމް ރޭ ވިދާޅުވެއްޖެއެވެ.
ހައިކޯޓުގެ ފަނޑިޔާރު ކަމަށް ސިވިލް ކޯޓުގެ ކުރީގެ ގާޒީ އަބްދުﷲ ޖަލީމް މޫސާ އައްޔަނުކުރަން ރޭ ބޭއްވި ރަސްމިއްޔާތުގައި ރިޒާ ވިދާޅުވީ، ރާއްޖޭގެ ހުރިހާ ރައްޔިތުން އެއް އަޑުން ދައްކަމުން ދަނީ ކޯޓުތަކުގެ ޝަރީއަތް ލަސްވާ ވާހަކަ ކަމަށެވެ.
އޭގެ ތެރެއިން ވެސް ޚާއްސަކޮށް، ބަންދާ މެދު ގޮތެއް ނުނިމި ނުވަތަ ޝަރީއަތް ނިމެންދެން ބަންދުގައި ތިބޭ މީހުންނަށް ކުރިމަތިވާ 'ހިތްދަތި'ކަމުގެ އިހުސާސްތައް ޖޭއެސްސީއަށް އެކި ގޮތްގޮތަށް ހުށަހަޅާކަން އޭނާ ފާހަގަކުރެއްވިއެވެ.