ރާއްޖޭގައި ޑޮލަރުގެ ކަޅު ބާޒާރު އުފައްދާފައިވަނީ އެމްއެމްއޭ ވެސް ބައިވެރިވެގެން: އަބްދުލްޣަފޫރު
ސަން
5 އޯގަސްޓު 2025 | އަންގާރަ | 10:47
ރާއްޖޭގައި މިއަދު މި އޮތް ޑޮލަރުގެ ކަޅު ބާޒާރު އުފައްދާފައިވަނީ މަރުކަޒީ ބޭންކް، އެމްއެމްއޭގެ ވެސް ބައިވެރިވުމާ އެކު ކަމަށް، ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ މިއަދު ވިދާޅުވެއްޖެއެވެ.
ގައުމީ ޕޭމަންޓް ސިސްޓަމްގެ ގާނޫނަށް ހުށަހަޅާފައިވާ އިސްލާހަށް ބަހުސްކުރައްވަމުން އަބްދުލްޣަފޫރު ވިދާޅުވީ މި އިސްލާހަކީ އެމްއެމްއޭއަށް ކުންފުނި ހަދައި ވިޔަފާރީގެ ތެރެއަށް ވަނުމަށް މަގުފަހިކުރުވާ އިސްލާހެއް ކަމަށެވެ. އެމްއެމްއޭއަކީ ރާއްޖޭގެ މާލީ ނިޒާމް ރެގިއުލޭޓްކުރަން އޮންނަ ތަން ކަމަށް، އޭނާ ވިދާޅުވިއެވެ.
އޭނާ ވަނީ، ޑޮލަރުގެ ކަޅު ބާޒާރު ރާއްޖޭގައި އުފައްދާފައިވަނީ އެމްއެމްއޭގެ ވެސް ހިއްސާ އާ އެކު ކަމަށް ތުހުމަތުކުރައްވައިފައެވެ.