ޖިންސީ ގޯނާގެ ކުށުގައި އިނގިރޭސިވިލާތުގައި ޖަލަށްލީ މީހަކީ ދިވެއްސެއްނޫން: އިމިގްރޭޝަން
ސަން
7 އޯގަސްޓު 2025 | ބުރާސްފަތި | 8:54
އިނގިރޭސިވިލާތުގެ އަންހެން އެކްޓަރަކަށް ޖިންސީ ގޯނާކުރި ކަމަށް ބުނާ ސުންދަރަލިންގަމް ކޫޑަލިންގަމަކީ ދިވެއްސެއް ނޫން ކަމަށް، އިމިގްރޭޝަނުން ބުނެފިއެވެ.
ބޭރުގެ ބައެއް ނޫސްތަކުގައިވާ ގޮތުން، މި ހާދިސާ ހިނގާފައިވަނީ އިނގިރޭސިވިލާތުގެ ވެރިރަށް ލަންޑަންގައި ހުންނަ މަސާޖު ޕާލާއެއްގައި މީގެ ދެ އަހަރު ކުރިން، މާޗް 2023ގައެވެ.
ޖިންސީ ގޯނާކުރި ކަމުގެ ކުށް ސާބިތުވާ ކަމަށް އިއްޔެ ކަނޑައަޅައި، ލަންޑަންގައި ހުންނަ ސައުތުވާކް ކްރައުން ކޯޓުން ހުކުމްކުރީ އުމުރުން 36 އަހަރުގެ ކޫޑަލިންގަމް ހަތަރު އަހަރަށް ޖަލަށް ލުމަށެވެ. ބޭރުގެ ބައެއް ޚަބަރުތަކުގައި ކޫޑަލިންގަމަކީ ދިވެއްސެއް ކަމަށާއި، އޭނާ ތައުލީމު ހާސިލްކުރީ އިންޑިއާއިން ކަމަށް ލިޔެފައިވެއެވެ.