ގެވެށި އަނިޔާގެ މައްސަލަ ބަލަން ދިޔަ ފުލުހުން 242 ވޭޕް ފުޅި ހޯދައިފި
ސަން
8 އޯގަސްޓު 2025 | ހުކުރު | 11:04
އިއްޔެ ހުށަހެޅި ގެވެށި އަނިޔާގެ މައްސަލައެއް ބަލަން ދިޔަ ފުލުހުން, އެޕާޓްމަންޓެއް ބަލައި ފާސްކޮށް, 242 ވޭޕް ފްލޭވާ ފުޅި ހޯދައިފިއެވެ.
ފުލުހުންގެ މީޑިއާ އޮފިޝަލް މިއަދު ވިދާޅުވީ ރޭ 21:14ގައި ހުޅުމާލޭ ފޭސް ދެއެއްގައި ހުންނަ ހިޔާ ފްލެޓެއްގެ އެޕާޓްމަންޓް, ގެވެށި އަނިޔާގެ މައްސަލައެއްގައި ބަލައި ފާސްކޮށްފައިވާ ކަމަށެވެ.
މި ބަލައި ފާސްކުރުމުގެ ތެރޭގައި 242 ވޭޕް ފްލޭވާ ފުޅި ހޯދައި ފުލުހުންގެ ބެލުމުގެ ދަށަށް ގެންގޮސްފައިވާ ކަމަށް އޮފިޝަލް ވިދާޅުވިއެވެ.