ވޭތުވެދިޔަ ހަތް މަހު ދައުލަތުގެ ބަޖެޓު އަރަނިވެފައިވާ ކަމަށް ބުނެ ފިނޭންސް މިނިސްޓްރީން ހެދީ ދޮގު ކަމަށާއިި، ސަރުކާރުން ދައްކަން ޖެހޭ ދަރަނި ދައްކައި ނުނިމެނީސް ބަޖެޓު އަރަނިވި ވާހަކަ ބުނުން ދެކޮޅު ނުޖެހޭ ކަމަށް ކުރީގެ ރައީސް އަބްދުالله ޔާމީން ރޭ ވިދާޅުވެއްޖެއެވެ.

މިދިޔަ ބުދަ ދުވަހު ފިނޭންސް މިނިސްޓްރީން އާންމުކުރި ތަފާސްހިސާބުތަކުގައިވާ ގޮތުން، މަޝްރޫއުތަކަށް ސަރުކާރުން ކުރާ ޚަރަދު 17.4 ޕަސެންޓު ދަށްވެ، ދައުލަތުގެ ބަޖެޓް ބެލެންސް ހުރީ 314.3 މިލިއަން ރުފިޔާގައެވެ. އެ އަދަދު ސާޕްލަސްއެއްގައި ދަމަހައްޓާފައިިވާ ކަމަށް، އެ ހިސާބުތައް އާންމުކޮށް ފިނޭންސް މިނިސްޓްރީން ބުނެފައިވެއެވެ.

ރޭ ޕީއެންއެފްގެ އޮފީހުގައި އެ ޕާޓީން ބޭއްވި ޖަލްސާގައި ޔާމީން ވިދާޅުވީ، އުފެއްދުންތެރިކަމުގެ ނިސްބަތުން މިސާލަކަށް ރާއްޖެއަށް 25 ބިލިއަން ރުފިޔާ ލިބޭއިރު، ދަރަނި ދައްކަން އެއަށް ވުރެ އިތުރަށް ޚަރަދުކުރާ ކަމަށް ވަންޏާ ދުވަހަކު ވެސް ރާއްޖެއަށް ދަރަނިން އަރައިނުގަނެވޭނެ ކަމަށެވެ. އެއާއެކު، ޔާމީން ވިދާޅުވީ، ދަރަނީގެ މައްސަލައަށް ފުރިހަމައަށް އެޑްރެސްކުރެވޭ މަންޒަރު އަދި ނުފެންނަ ކަމަށެވެ.

މައުޟޫޢުތަށް